Seanca e nisur për zgjedhjen e Presidentit të Kosovës mund të ndodhë që të shtyhet.
Kështu ka deklaruar Ministrja e Drejtësisë, Albulena Haxhiu, e cila është shprehur se kjo seancë mund të vazhdojë ditën e nesërme.
“Besoj që sot do të shtyhet seanca për faktin që nuk janë 80 deputetë që japin votën në kuti. Besoj që ajo do të vazhdojë nesër”, ka thënë ajo.
“Partitë politike duhet ta marrin seriozisht mesazhin që kanë dhënë qytetarët më 14 shkurt”.
Haxhiu ka folur edhe rreth qëndrimin në sallë të deputetes Albena Reshitaj, për të cilën u tha se ka kaluar në Grupin Parlamentar të LVV-së.
“Nuk jam në dijeni për diçka të tillë. Besoj që Reshitaj ka përfillur mesazhin që kanë dhënë qytetarët. E vlerësoj qëndrimin e saj. Nuk ka asgjë të re dhe nëse do të ketë ajo do ta sqarojë vet”.