Deputeti i AAK-së, Ramush Haradinaj, ka kërkuar nga qeveria Kurti që të veprojë kundër ngritjes së çmimit të energjisë.

Në seancën e Kuvendit të Kosovës, Haradinaj ka thënë se nëse ndodhë kjo do të ketë pasoja të mëdha.

“Veprime të menjëhershme nga qeveria që të pengohet ngritja e çmimit të energjisë në vend. Kjo do të shkaktojë rritje zinxhirore të çmimeve, do të ketë pasoja të mëdha për humbjen e vendeve të punës dhe largimin e investitorëve. Ekziston mundësia me vepru, kërkohet që Qeveria në mënyrë urgjente të kompletojë bordin e ZRE-së dhe ti kërkojë menjëherë ZRE-së pezullimin e liberalizimit fals dhe të mos rritet çmimi i energjisë. Kjo po ndodhë pikërisht vjedhurazi kur është në tranzicion edhe qeveria”, tha Haradinaj./Front Online/