Grupi Parlamentar i Lëvizjes Vetëvendosje pritet të mblidhet sot nga ora 14:00, raporton Front Online.

Në këtë takim pos që do të diskutohet për ndarjen e komisioneve parlamentare, pritet të diskutohet edhe për çështjen e zgjedhjes së presidentit të ri,  gjegjësisht të thirrjes së seancës së jashtëzakonshme për zgjedhjen e presidentit të ri.

Këtë për Front Online e ka konfirmuar, deputeti i kësaj partie, Agon Batusha.

“Po do të mblidhemi në orën 14”, ka thënë ai.

I pyetur se a do të diskutohet edhe për çështjen e presidentit ai ka thënë se ka mundësi që të diskutohet edhe kjo.

“Ka mundësi që do të diskutohet edhe kjo, janë çështje të brendshme që do të diskutohen”, ka thënë Batusha për Front Online.

Në anën tjetër, sipas procedurave kushtetuese deri më 5 prill duhet të nisin procedurat për zgjedhjen e presidentit të ri, në të kundërtën vendi do të shkoj në zgjedhje të reja parlamentare.

Aktualisht, sipas disa kalkulimeve 67 vota janë për, derisa llogaritet që edhe nga LDK të jenë 11 vota të sigurta që do të qëndrojnë në ditën kur pritet të votohet Vjosa Osmani për presidente, që në total janë gjithsejtë 78 vota, por që janë të pamjaftueshme.

Sipas rregullave kushtetuese, një president nuk mund të zgjedhet pa qenë në seancë të paktën 80 deputetë.