Njësitet Speciale të Policisë së Kosovës janë duke zhvilluar një bastisje në selitë e dy kompanive private në lagjen ‘Pejton’ në Prishtinë.
Lajmin për Front Online e ka konfirmuar zëdhënësi i Policisë së Kosovës, Baki Kelani.
Kelani, ka thënë se pos në Prishtinë aksioni është duke u zhvilluar edhe në Ferizaj.
“Sot më 31 mars 2021, Policia e Kosovës, me urdhëresë të Gjykatës kompetente është duke realizuar një operacion policor, i cili ndërlidhet me veprimtari të mashtrimit. Operacioni policor është duke u realizuar në disa lokacione të rajonit të Prishtinës dhe Ferizajt, andaj pas përfundimit të operacionit do të jepen informacione shtesë”, ka thënë Kelani./Front Online/