×
  • Lajme
  • Lajme

    Pal Lekaj paralajmëron ish-kryediplomaten Haradinaj-Stublla me publikimin e disa mesazheve

    FrontOnline
    27 Mars 2021

    Brenda Aleancës së Ramush Haradinajt, pas zgjedhjeve të 14 shkurtit ka pasur përplasje e akuza mes bashkëpartiakësh. Një nga to ka qenë edhe ajo e ish-kryediplomates, Meliza Haradinaj-Stublla me Pal Lekajn. Haradinaj-Stublla e kishte quajtur si “kryetoksik” Lekajn dhe e kishte akuzuar për “shantazh” drejt mbështetësve të AAK’së. Ky i fundit i është përgjigjur gjithë akuzave, derisa ka paralajmëruar edhe publikim mesazhesh.

    “I shokuar nga rezultati i natës së zgjedhjeve, pas mbylljes së vendvotimeve dhe numërimit në Gjakovë, ishte pikërisht ky që tregojnë shumë burime se ‘shantazhoi e kërcënoi’ të gjithë mbështetësit e sinqertë të AAKsë që përkrahën kandidatë të tjerë, specifikisht JO atë dhe rrethin e tij të të panjohurve dhe të sapoaderuarve në listë. I mbajti hermetike rezultatet e Gjakovës për kandidatët e AAK-së për dy ditë rresht, me siguri që për asnjë arsye të shëndoshë”, kishte shkruar Haradinaj-Stublla më 9 mars.

    Për gjithë këto akuza të ish-kryediplomates, Lekaj ka folur mbrëmë në një intervistë për DPT Fidani. Ish-kreu i Komunës së Gjakovës ka thënë se s’ka shantazhuar askënd, madje potencon se në ditën kur ishte hartuar lista, kishte vendosur që numrin 5 në listën e AAK-së t’ia lëshonte Besnik Tahirit.

    “Pal Lekajn e njohin të gjithë. Asnjëherë s’kam shantazhuar dikë. Përkundrazi i kam mbështetur të gjithë të rinjtë. Ato fjalët që janë thënë, më ka ra si bomb, sepse deklarata ime ka qenë shumë miqësore. Ju e shihni listën e AAK’së, 60 % e figurave janë fytyra të reja. Edhe ministrat i kam përkrahur fuqishëm, edhe në parlament edhe në AAK. Kemi investuar në ta. Dhe tani të kemi një vlerësim të tillë, nuk mendoj që është”, ka thënë Lekaj, për express.

    “Janë dëshmitë, është struktura udhëheqëse e Aleancës edhe Kryesia e Aleancës, që në ditën e përpilimit të listës për kandidatët për deputet apo deputete, unë kam qenë më i zëshmi edhe unë jam rankuar në numrin 5 , në bazë të fuqisë së votës, dhe unë e kam marrë fjalën në kryesi, u jam drejtuar kryetarit dhe kam thënë e lëshoj numrin tim për Besnik Tahirin ka qenë zv. Kryeminister edhe duhet të pozicionohet në këtë vend në listë dhe do të thotë nëse unë kisha qenë e kundërta, mendoi që atëherë kanë të drejtë, por nëse unë e lëshoj pozitën 5, për Besnik Tahirin dhe e them qartë se krejt ministrat duhet të pozicionohen në vend më të lartë sepse ne i kemi përkrah fuqishëm, çka ka këtu shantazh”, ka thënë Lekaj.

    Lekaj tutje ka thënë se Meliza Haradinaj-Stublla i ka shkruar për ta falënderuar pas hartimin e listës dhe për numrin që i është dhënë në listë. Lekaj thotë se për këtë gjë ka argumente.

    “Unë kam fakte edhe argumente të shkruara nga ata që kanë thënë (nga Meliza?-pyet gazetari) (Po- përgjigjet Lekaj), që unë jam ndryshe jam njeri që i kam përkrah fuqishëm krejt figurat e reja, kam të shkruara në atë ditë që është miratuar lista që jam kanë mbështetësi më i fuqishëm i këtyre gjërave që ti përkrahim të rinjtë, kamë fakte të shkruara. Kam fakte argumente në ditën që kur është përmbyll lista më ka falënderua për pozitën që e ka marrë dhe për numrin rendor në listë, edhe që më ka thënë të falënderoi dhe kështu duhet me qenë kolegët kur e thonë përpara të gjithëve.”, ka shtuar Pal Lekaj.

    Ai ka thënë se nëse do të vazhdohet me akuza, do të detyrohet që të publikojë mesazhet.

    “Nëse vazhdohen akuzat, duhet me qitë argumentin që para do të thotë para asaj ditën e formimit të listës më kanë falënderuar të gjithë ministrat duke e përfshirë është ministren kryediplomaten e qeverisë së kaluar”, ka paralajmëruar Lekaj.

    Pal Lekaj ka thënë se në jetën e tij nuk e ka shantashuar askënd.

    “Beso në jetë teme nuk e kam shantazhu askënd, në jetë time pyet rinin kur i kom përkrah qysh i kom përkrah, pyet figurat e reja, do të thotë jam kanë bashke me z.Haradinaj dhe kryesin që Aleanca në këto zgjedhje të shkon me figura të reja, dhe nëse del dikush i kryesisë nëse thotë që unë kam dashtë me kenë në këtë vend po jo.”, ka theksuar ndër të tjera Lekaj./Front Online/

    20 mijë qytetarë të Gjakovës bëhen me rrjet të ri
    Nga Rubrika
    Lajme09 Tetor 2024
    Ambasadori i Gjermanisë në Kosovë, Jorn Rohde, ka thënë se kush do që i fiton zgjedhjet e 9 shkurtit 2025, do të...
    Lajme09 Tetor 2024
    Presidentja e Kosovës, Vjosa Osmani, është takuar me homologen e saj sllovene, Natasha Pirc Musar. Takimi i Osmanit me Musarin u zhvillua...
    Lajme09 Tetor 2024
    Partia Demokratike Serbe, përmes një njoftimi ka bërë të ditur se nesër nga ora 10:00 do të organizohet një protestë, përmes së...
    Të tjera
    Lajme09 Tetor 2024
    Ish-deputeti i Listës Serbe, Slavko Simiq ka reaguar pas publikimit të audio-incizimit të shefes së GP të Vetëvendosjes, Mimoza Kusari-Lilës me kryekriminelin...
    Lajme09 Tetor 2024
    Kryetari i Lidhjes Demokratike të Kosovës, Lumir Abdixhiku ka shkruar lidhur me takimin që pati me asambleistët e LDK-së. Abdixhiku ka njoftuar...
    Lajme09 Tetor 2024
    Përgjatë dy viteve 251 pjesëtarë të Forcës së Sigurisë së Kosovës janë dorëhequr nga FSK-ja, teksa gjatë këtij viti rreth 2.6%. Ish...
    Lajme09 Tetor 2024
    Një këmbësor është goditur për vdekje nga një veturë në fshatin Jashanicë të Klinës. Rasti ka ndodhur sot rreth orës 19:05. Lajmin...
    Lajme09 Tetor 2024
    Ministrja e Punëve të Jashtme dhe Diasporës, Donika Gërvalla, është deklaruar për pjesëmarrjen e Kosovës në CEFTA. Ajo tha se më në...
    Lajme09 Tetor 2024
    Kandidati për kryeministër nga radhët e PDK-së, Bedri Hamza, ka takuar qytetarët e Prizrenit sot dhe nga atje është njoftuar me shqetësimet...

    FrontOnline, © 2024 Të gjitha të drejtat e rezervuara.