Kryeministri i Republikës së Kosovës, Albin Kurti, do të mbledh sot Qeverinë në orën 16:00.

Lajmi është bërë i ditur nga zyra për media e kryeministrisë.

Fillimisht në njoftimin e parë të dërguar për media, mbledhja e Qeverisë s’ka qenë fare në agjendën e kryeministrit, megjithatë pas më shumë se dy orësh, ZKM ka njoftuar se agjendës së Kurtit do t’i shtohet edhe një pikë, ajo e mbledhjes së Qeverisë.

Ndërsa, në njoftimin e zyrës së Kryeministrit nuk është bërë e ditur se çka do të diskutohet në këtë mbledhje.

Front Online ka siguruar rendin e ditës në të cilin janë vetëm dy pika.

Pika e parë ka të bëjë me shqyrtimin e Projekt-rregullores për fushat e përgjegjësisë administrative të Zyrës së Kryeministrit dhe ministrive dhe në pikën e dytë të ndryshme./Front Online/