Biseda e kryetarit të Akademisë së Shkencave dhe Arteve të Serbisë, Vladimir Kostiq me delegacionin e Shoqatës së Familjeve të Serbëve të Zhdukur nga Kosova që protestuan të martën para Akademisë, përfundoi me mosmarrëveshje.

Kostiq hodhi poshtë kërkesat e delegacionit të serbëve nga Kosova për të dhënë dorëheqje nga pozita e kryetarit të kësaj akademie për arsye morale, për shkak të deklaratës se Kosova është de facto dhe de juro e pavarur, si dhe për ta thënë publikisht që siç thuhet “provinca jugore serbe është pjesë e Serbisë “.

Më tej raportohet se serbët nga Kosova mbetën të mendimit se Kostiq, si kryetari i Akademisë nuk mund të shprehë mendimin e tij personal antikushtetues në publik, raporton Danas.