Lideri i aleancës për Ardhmërinë e Kosovës, Ramush Haradinaj ka pritur sot në takim, përfaqësuesin Special të BE-së për dialogun Kosovë – Serbi, z. Miroslav Lajčak.
Pas takimit Haradinaj, ka dhënë detaje se çka është diskutuar.
Përmes, një postimi në profilin e tij në Facebook, Haradinaj ka shkruar se ka përsëritur qëndrimet për dialogun si dhe përkushtimin për një marrëveshje gjithëpërfshirëse ligjërisht të obligueshme me njohej reciproke, përcjell Front Online.
Postimi i tij i plotë:
Prita sot Përfaqësuesin Special të BE-së për dialogun Kosovë – Serbi, z. Miroslav Lajčak.
Ripërsërita qëndrimet tona për dialogun, domosdoshmërinë e rolit strategjik të Shteteve të Bashkuara të Amerikës, përkushtimin tonë për një Marrëveshje Gjithëpërfshirëse Ligjërisht të obligueshme, e cila ka epilog njohjen reciproke në kufijtë ekzistues dhe respekton rendin kushtetues të Republikës së Kosovës.
Bashkërisht vlerësuam zgjedhjet e 14 shkurtit si fitore për demokracinë dhe theksuam nevojën e konstituimit të institucioneve të reja, në afat sa më të shpejt.
Z. Lajčak e falënderova për angazhimin e tij dhe të Bashkimit Evropian në këtë proces të rëndësishëm për vendin tonë./Front Online/