Ines Demiri do të jetë ambasadorja e parë e Kosovës në Izrael.
Ajo tanimë veç ka arritur në Izrael, ku pritet që së shpejti të përfundojë procesi i lidhjes së marrëdhënieve diplomatike mes dy shteteve, shkruan lajmi.net.
Arritjen e saj në Izrael e ka bërë të ditur Dan Oryan, që është Shef i Zyrës për Ballkanin në Ministrinë e Jashtme të Izraelit.
“Mirësevjen në Izrael, Ines Demiri”, ka shkruar ai.
Ndryshe, Kosova dhe Izraeli tanimë njihen reciprocikisht pas marrëveshjes së 4 shtatorit të arritur në Uashington.
Izraeli është shteti i 117-të që njeh Kosovën, teska ambasada pritet që së shpejti të hapet në Jeruzalem.
Një veprim i tillë i Kosovës kishte shkaktuar reagime të mëdha edhe nga fuqitë evropiane, të cilat e kishin kritikuar Kosovën për këtë vendim.