Kryetari i Skenderajt, Bekim Jashari ka falënderuar vizitorët e shumtë që sot ishin për të nderuar të rënët në Kompleksion Memorial “Adem Jashari” në Prekaz.
Jashari përmes një videoje të publikuar në Facebook ka ndarë momente teksa Hamëz Jashari vallëzonte në kullën e tyre në vitin 1995.
“Falënderime të pa numërta për mijëra vizitorë, vellëzer e motra të kombit tonë, që sot vizituan e nderuan të rënët në Kompleksin Memorial “Adem Jashari”, në Prekaz.
Për të gjithë ju bashkëkombas ju ftoj që ta ndiqni një përmbledhje të ditës së sotme dhe një sekuencë të babushit Hamëzes, duke vallëzuar në kullën tonë në vitin 1995.
Gjithmonë bashkë për kombin, shtetin dhe historinë tonë të lavdishme”, ka shkruar Jashari në Facebook.
Sot Kosova ka festuar 13 vjetorin e Pavarësisë, ku mijëra qytetarë kanë vendosur që në këtë ditë ta vizitojnë në Kompleksion Memorial “Adem Jashari” në Prekaz.
