Sejdiu: Përveç Aleancës, partitë tjera kanë broshura jo programe

Lajme

Sejdiu: Përveç Aleancës, partitë tjera kanë broshura jo programe

FrontOnline

05 Shkurt 2021

Mbrëmë në emisionin Rubikon ka qenë i ftuar kandidati për president të Kosovës Ramush Haradinaj si dhe kandidatët për deputet nga radhët e Aleancës për Ardhmërinë e Kosovës (AAK), Shemsedin Dreshaj, Ermira Vllasaliu Ratkoceri dhe Fatmir Gashi.

Ata diskutuan gjër e gjatë për plan programin e AAK-së si dhe prioritet e tyre si parti.

Programin e AAK-së e vlerësoi lartë eksperti i ekonomisë Dardan Sejdiu, ku tha prej programeve që i kemi pa deri më tash është se partitë tjera kanë broshura e jo programe.

‘Prej programeve që i kemi pa deri më tash më i përpiluar thelbësisht është ai i AAK-së. Nuk po i qesim në anë të barabartë programet, nëse e shohim programin e LDK-së, çka na ka prezantuar në studio, mund të themi se ka qenë një broshurë dhe jo program. Kurse, sot çka shoh te pjesa e ekonomisë, te kapitulli i dytë, ndihma për qytetarë, subvencionim për çerdhe, ndihma për gra të cilat e kanë humbur vendin e punë, pra shoh elemente të cilat as që i kishin prekur LDK-ja’, ka thënë Sejdiu.

‘Kam thënë edhe me konkurrentët e juaj, në emisionet e kaluara se unë e vlerësoj kur një subjekt politik prezanton program politik në përbërje serioze. Pra, kur e merr prezantimin e programit si një diçka që që është me vlerë dhe për këtë vlerë vjen një ish kryeministër lider partie dhe vjen me tre persona që janë kandidat për deputet ku secili kanë vlerë për fushat e tyre si dhe përvojë. Për mendimin tem kjo është për t’u vlerësuar. Pra, po e them edhe një herë, që shpresoj që të gjitha subjektet politike ta bëjnë të njëjtën gjë’, shtoi Sejdiu.

Ai po ashtu tha se programi i AAK-së është i elaboruar mirë, pasi që sipas tij nëse një program publik, nuk i ka përgjigjet për pyetjet, si, kur edhe sa, nuk është i rëndësishëm, e që në këtë rast programi në fjalë e ka një përbërje të tillë.

‘Sa i përket pjesës së ekonomisë e shoh që ky program është i elaboruar, ku e ka edhe pjesë si , kur dhe sa, që për mua janë të rëndësishme. Kështu që një program që ka në vete politika publike, dhe nuk ju përgjigjet këtyre tri pyetjeve është ose i mangët ose është vështirë me lyp llogari. Ndërsa, programi i Aleancës, kështu siç është paraqitur mua më lë përshtypje, sepse ka një analizë të situatës ku politikisht është korrekte’, ka thënë Sejdiu.

Ndër të tjera Sejdiu tha se Haradinaj ishte i pari që i hyri garës për president , ku i shtyu edhe Lëvizjen Vetëvendosje që ta paraqes një kandidat për president.

Të fundit