Kryetari i komunës së Drenasit, Ramiz Lladrovci, ka takuar sot, ish gjeneralin Nuredin Lushtakun, pas lirimit nga akuzat, duke e cilësuar lajmin e lirimit sa të ditur aq edhe të pritur.

Ramiz Lladrovci ka shkruar: “Gjeneral, miku im, e kam besuar dhe e besoj se një njeri që ishte i gatshëm ta japë jetën për atdhe, nuk i bën kurrë keq atdheut as idealeve të shokëve të vet që dhanë jetën për liri!”

Postimi i plotë i Lladrovcit:

Lajmi i sotëm për lirim nga akuzat e Gjeneralit dhe ish Kryeministrit Agim Çeku dhe të tjerëve, ishte lajm sa i ditur aq edhe i pritur.

Takimi me Gjeneral Nuredin Lushtakun, ishte rast që ta përgëzoj nga zemra për fitoren e drejtësisë, lirimin e tij nga akuzat e pabesueshme dhe të udhëheqësve tjerë të luftës çlirimtare.

Gjeneral, miku im, e kam besuar dhe e besoj se një njeri që ishte i gatshëm ta japë jetën për atdhe, nuk i bën kurrë keq atdheut as idealeve të shokëve të vet që dhanë jetën për liri!