Zëvendëskryeministri në detyrë i Kosovës, Besnik Tahiri të hënën ka takuar shefin e Misionit të OSBE-së në Kosovë, Jan Braathu.

Tahiri tha se Braathu është mik i madh i Kosovës, i cili me kontributin e tij ka kontribuar në ndërrimin e institucioneve demokratike të Kosovës. Për çka ai gjatë një konference për media ka uruar Braathu për misionin e ri si shef i OSBE-së në Serbi.

“Ambasadori Braathu do të mbetet një ndër miqtë dhe një ndër diplomatët, që kanë ndihmuar pa asnjë kursim ndërtimin e institucioneve demokratike në Kosovë dhe sidomos forcimin e partneritetit mes institucioneve të Kosovës dhe partnerëve ndërkombëtar”, tha Tahiri.

Ambasadori i OSBE-së Jan Braathu është shprehur mirënjohës ndaj institucioneve të Kosovës për bashkëpunimin. Derisa është shprehur i sigurt se Kosova nuk po e humb një shok, por tani do ta kenë një mik në Beograd.

“Ne kemi pyetur se çka mund të i’u ndihmojmë, këtu. Të jeni i sigurt se nuk po e humbni një shok, por do të keni një mik në Beograd”, tha ai duke iu referuar zëvendëskryeministrit Besnik Tahiri.