Kryetari në detyrë i Partia Demokratike e Kosovës (PDK), njëherit edhe kandidatit për kryeministër, Enver Hoxhaj, ka uruar Ditën e Veteranit, të gjithë veteranëve të luftës.
Përmes një shkrimi në rrjetin social “Facebook”, Hoxhaj ka thënë se nderon përjetësisht të gjithë ata që kanë sakrifikuar gjithçka për shtetin që e gëzojmë sot.
“Nderim të përjetshëm për ata që sakrifikuan gjithçka dhe na sollën lirinë e shtetin sovran që gëzojmë sot! Prandaj, ne jemi të vetëdijshëm se liria ka emër! Urime Dita e Veteranit!”, ka shkruar Hoxhaj, derisa ka shpërndarë edhe një fotografi të uniformës së Ushtrisë Çlirimtare të Kosovës.
Sipas Ligjit për Veteranët e Luftës së UÇK-së, Dita e Veteranit shënohet me 30 dhjetor, për të përkujtuar sakrificën, angazhimin dhe kontributin e veteranëve për sjelljen e lirisë dhe pavarësisë për popullin e Kosovës.
Ndryshe, më 30 dhjetor të vitit 1991 filloi përballja e familjes Jashari me forcat ushtarake serbe në Prekaz, ku nga kjo filloi edhe rezistenca ushtarake e UÇK-së.