Për dallim nga javët e kaluara në Spitalin e Pejës ka rënie të numrit të pacientëve të prekur me COVID-19, të cilët po marrin trajtim.
Tani për tani janë 82 pacientë me koronaivrus të cilët po trajtohen, ku 13 prej tyre janë në gjendje më të rëndë.
“82 pacientë janë duke u trajtuar aktualisht në Spitalin e Përgjithshëm në Pejë me Covid-19. Sa i përket gjendjes së pacientëve: 4 Pacientë janë në Respirator(CPAP), 64 pacientë janë në Oksigjeno terapi ndërsa nga këta 13 pacientë janë në gjendje më të rëndë.Përndryshe gjatë vikendit në Spitalin e Përgjithshëm në Pejë, 674 pacientë kanë marrë trajtim emergjent shëndetësorë, dhe nga këta 74 pacientë janë shtrirë për trajtim të mëtutjeshëm”, thuhet në njoftimin për media, transmeton lajmi.net.
Gjithashtu u bë e ditur se gjatë kësaj kohe në këtë spital gjatë vikendit u kryen 14 lindje.
“14 lindje kanë qenë gjatë vikendit në Spitalin e Përgjithshëm në Pejë, 9 normale dhe 5 me prerje cezariane. Kanë lindur 14 foshnje dhe sa i përket gjinisë 9 foshnje të porsa lindura janë të gjinisë mashkullore dhe 5 të gjinisë femërore.549 pacientë kanë kryer analiza, që në total kanë bërë 5,728 analiza, ndërsa janë kryer 8 operacione”.
