Mbretëresha e Britanisë së Madhe, Elizabetë, u ka thënë britanikëve se nuk janë vetëm në këto ditë të pandemisë COVID-19.

94 vjeçarja, gjatë fjalimit të saj për ditën e Krishtlindjes, ka deklaruar se koronavirusi i bashkoi emocionalisht të gjithë përkundër vështirësive që ua shkaktoi.

“Ky vit shumë persona i ka mbajtur larg njëri-tjetrit fizikisht, por i ka afruar ata në forma të tjera. Familja Mbretërore është e frymëzuar nga vullnetarët britanikë që i ndihmuan në kohë të pandemisë njerëzit”.

“Në Mbretërinë e Bashkuar dhe në të gjithë botën qytetarët janë ballafaquar në mënyrë madhështore me sfidat e këtij viti. Unë jam krenare dhe e prekur nga këta shpirta të mirë që nuk u ndalën së ndihmuari njëri-tjetrin”, ka thënë Mbretëresha Elizabetë, shkruan BBC.

Ajo ua ka uruar të gjithë besimtarëve të krishterë festën e Krishtlindjes.