5 persona janë lënduar në një aksident trafiku sonte në orët e mbrëmjes në Çagllavicë të Prishtinës.
Në të u përfshin katër vetura.
Lajmin e ka konfirmuar për Front Online, Flora Ahmeti, zëdhënëse e Policisë për rajonin e Prishtinës.
Si pasojë e aksidentit, sipas saj, dëme materiale u është shkaktuar edhe tri lokaleve private, një furre buke dhe dy marketeve.
“Sot rreth orës 19:00 në Rreth-rrotullim të Qakllavicës, ka ndodhur një aksident komunikacioni në mes të katër (4) automjeteve, dy nga to kanë qenë në lëvizje ndërsa dy të parkuara. Si pasojë e aksidentit 5 persona kanë pësuar lëndime, si dhe janë dëmtuar tri (3) lokale private (një Furrë Buke dhe dy Markete)”, ka thënë ajo për Front Online.
Ahmeti ka bërë të ditur po ashtu se njësitë e nevojshme policore janë duke u merrur me rastin.