Kompania Rajonale e Ujësjellësit “Prishtina” njoftoi për punime teknike në qytetin e Obiliqit, rehabilitimin e rrjetit të ujësjellësit/ndërrimin e gypit të ujit me diametër fi 150 mm në Parkun e qytetit të Obiliqit “Adem Preniqi”, i cili është në ndërtim e sipër.
Përmes një komunikate bëhet e ditur se si shkak i këtij rehabilitimi gjatë ditës së premte (18 dhjetor), do të ketë ndërprerje të furnizimit me ujë të pijshëm nga ora 11:00 deri në 15:00 për pjesën më të madhe të këtij qyteti.
Këto punime, sipas KRU Prishtina, do të realizohen në kuadër të përmirësimit të vazhdueshëm të infrastrukturës së rrjetit të ujësjellësit, për konsumatorët.
