Zyrtari policor që mbeti i plagosur në sulmin me armë në mëngjesin e sotëm, është liruar nga Qendra Klinike Universitare e Kosovës pasi ka marrë trajtim mjekësor.
Polici u plagos nga të dyshuarit pas një grabitje që ka ndodhur te një bankomat në një prej qendrave tregtare në lagjen “Veternik” të Prishtinës.
“Rreth orës 08:40, pas marrjes së trajtimit të nevojshëm mjekësor polici i plagosur është liruar nga QKUK-ja dhe gjendja e tij është stabile”, thuhet në njoftimin e policisë.
“Ndërkohë që po vazhdojnë veprimet policore me fokus zbardhjen e plotë të ngjarjes”.