Radmila Zaric, një grua serbe që vdiq sot në Shtëpinë e Pleqve e më pas u varros u shndërrua në temë diskutimi.

Kjo pasi që kryetari i Prishtinës, Shpend Ahmeti, tha se varrimi i saj është organizuar nga Bashkësia Islame e Kosovës, bashkë me komunën e Prishtinës.

Mirëpo ky deklarim i Ahmetit po kontestohet nga serbët.

Portali “GracanicaOnline”, thotë se Zaric është varrosur në varrezat ortodokse në Prishtinë dhe se ceremonia e varrimit është organizuar nga Komuna e Graçanicës.

Madje raportohet se ajo është varrosur nga prifti, Stanisa Arsic.

Ky portal ka publikuar madje edhe gjësendet që ka lënë pas e ndjera.

E në një reagim të dytë, Shpend Ahmeti ka thënë se nuk ka pasur qëllime tjera në lidhje me këtë rast, pos ta falënderoj BIK-un, i cili sipas tij e ka dërguar kufomën deri tek varrezat ortodokse në Prishtinë.

Ahmeti ka thënë se BIK-u duhet të falënderohet për tolerancën ndërfetare.