U tha se gjithçka do të jetë gati tëpremten në orën 15:00.

Madje, u bë e ditur se nga kjo orë qytetarët do të mund të aplikojnë për tërheqjen e 10% të kursimeve në Trust.

Por, siç duket kjo matematikë e personave të përfshirë në këtë çështje nuk shkoi ashtu siç ishte paraparë.

Kjo, për shkak që ueb-faqja e Trustit nuk ishte aktive në orën 15:00 ashtu siç ishte paralajmëruar.

Por, edhe para kësaj kohe kjo ueb-faqe kishte problem për tu kyçur në të.

Zëdhënësi i Trustit Pensional të Kosovës, Jeton Demi, ka mohuar se ueb-faqja trusti10.org, nuk është duke punuar.

Ai tha se faqja duhet të testohet në orën 15:00, ndërsa tha se lansimi do të bëhet në atë kohë.

E, pavarësisht kësaj kjo faqe dështoi edhe në orën 15:00.

Për disa minuta qytetarët të cilët kanë kursime nuk kanë mundur ta hapin ueb-faqen.

Zyrtaret e Trustit pas kësaj thanë se faqja e re e Trustit është e paqasshme për aplikim për shkak që, ka pasur tentativa për sulme kibernetike.

Zëvendësdrejtori i Trustit, Agron Krasniqi, tha se ishte paraparë që në ora 15:00 të fillojë aplikimi por pas tentativave për sulme kibernetike faqja ka qenë e paqasshsme.

U, deshtë të kalojërreth gjysmë ore pas orës 15:00 që qytetarët të kenë mundësi që të aplikojnë për 10 përqindëshin.

E, kryeministri i Kosovës, Avdullah Hoti të martën kishte deklaruar se në ditën e premte nga ora 15:00 do të hapet ueb-faqja për aplikim për tërheqjen e 10 përqindëshit nga Fondi i Kursimeve Pensionale.

Deputetët e Kuvendit të Kosovës me 72 vota për, asnjë kundër dhe asnjë abstenim, të premten e kaluar kanë votuar në lexim të dytë Ligjin për Rimëkëmbje Ekonomike.

Pas miratimit, ky Ligj është dekretuar nga Zyra e Presidencës dhe ka hyrë në fuqi pas publikimit në Gazetën Zyrtare.

Qeveria e Kosovës me ndryshimin e Ligjit për Fondet Pensionale, parasheh kompensimin e mjeteve të tërhequra në vlerë nën 10 mijë euro.

Aktualisht sipas Trustit, numri i përgjithshëm i kontribuueseve është 639 mijë e 264.

Qytetarët e Kosovës, të cilët kanë aplikuar sot mjetet do t’i kenë në xhirollogaritë e tyre pas datës 23 dhjetor./FrontOnline/