Organizata studentore “Studim Kritikë Veprim” përmes një aksioni simbolik para Qeverisë së Kosovës, kanë shprehur pakënaqësitë e tyre për mos përfshirjen e kërkesave të studentëve në Ligjin për Rimëkëmbje Ekonomike. Në shenj revolte, ata para hyrjes së Qeverisë së Kosovës vendosën një pako të zbrazët e cila kishte mbishkrimin “Ndihma e Qeverisë për Studentët”.
Dionit Kabashi nga kjo organizatë, tha kanë bërë 13 kërkesa për largim të tarifave për vitin akademik 2020-21, por shtoi se Qeveria e Kosovës nuk gjeti mundësinë t’i fus shpenzimet e studentëve në Ligjin për Rimëkëmbje Ekonomike.
Kabashi: Qeveria nuk i përfshiu studentët në Ligjin për Rimëkëmbje Ekonomike
“Jemi mbledhur para Qeverisë së Kosovës e cila javën e kaluar miratoi Ligjin për Rimëkëmbje Ekonomike por që fatkeqësisht nuk u përshinë fare studentët e universiteteve publike të vendit. Aty askund nuk figuron fjala studentë. Jeni të informuar që ende pa filluar viti akademik 2020-21, jemi treguar me plotë 13 kërkesa të gjitha universiteteve publike, MASH-it dhe Qeverisë. Nëpërmjet këtyre kërkesave zyrtare kemi kërkuar largimin e të gjitha tarifave për shkollim për vitin akademik 2020-21, si ndihmesë sado e vogël për të gjithë studentët, marrë parasysh krizën ekonomike si pasojë e COVID-19, që i ka prekur ata dhe familjet e tyre…. Nëpërmjet këtij aksioni simbolik këtu në shesh, ne shprehim pakënaqësitë e shumë studentëve sesi Qeveria e Kosovës në një ligj qindra milionësh nuk gjeti vend për studentët e këtij veti. Këta të rinj që u është ulur cilësia mësimore dhe u është prekur gjendja ekonomike nuk mund t’i përballojnë edhe pagesat e universiteteve”, tha Kabashi.
Ai tha se kërkesa e studentëve për heqjen e tarifave për këtë vit akademik është e drejtë në këtë kohë kur vendi po ballafaqohet me pandeminë dhe krizë ekonomike.
Kabashi: Nuk do dorëzohemi duke kërkuar largim të pagesës për vitin akademik 2020-21
“Ne si SKV dua t’ia rikujtojmë kësaj qeverie se nuk jemi dorëzuar dhe do vazhdojmë luftën tonë të drejtë për arsim pa pagesë. E drejta për arsim është e drejtë kushtetuese dhe secili duhet t’i ofrohen mundësi të barabarta për arsimin por ajo sot në këto rrethana të vështira bëhet më se e domosdoshme. Jo vetëm e drejtë por heqja e tarifës sot është edhe nevojë sot studentët e SKV kanë vendosur pakon e zezë për shkak të keqpërdorimit që po u bëhet studentëve dhe e zbrazët për shkak se kërkesat tona nuk kanë marrë përgjigje”, tha ai.
