×
  • Lajme
  • Lajme

    Meliza Haradinaj dhe Gent Cakaj presin në takim përfaqësuesit e partive politike të Preshevës

    FrontOnline
    04 Dhjetor 2020

    Ministrja e Jashtme Meliza Haradinaj Stublla dhe ministri i Jashtëm i Shqipërisë, Gent Cakaj, pritën sot në një takim përfaqësuesit e partive politike shqiptare në Luginën e Preshevës.

    Në një njoftim që ka lëshuar Ministria e Jashtme për mediat thuhet se në takim u bisedua lidhur me marrëveshjen për veprim politik të shqiptarëve në Luginë të Preshevës kundër pasivizimit të adresav në Medvegjë. Kjo marrëveshje u nënshkrua në Prishtinë.

    “Jam e lumtur dhe falënderoj shumë përfaqësuesit e shqiptarëve në Luginën e Preshevës për marrëveshjen e arritur e cila garanton se ata do të flasin me një zë dhe do të jenë unik për Medvegjën”, u shpreh Ministrja Haradinaj-Stublla.

    Nga ana e tij, Ministri për Evropën dhe Punët e Jashtme i Republikës së Shqipërisë, Gent Cakaj, tha se të dyja shtetet duhet të ndërmarrin një aksion diplomatik për ta sensibilizuar bashkësinë ndërkombëtare për gjendjen në Luginë të Preshevës, ku po tentohet përmes pasivizimit të adresave të shqiptarëve atje.

    Më poshtë gjeni njoftimin e plotë:

    Shqiptarët e Luginës së Preshevës me veprim të përbashkët kundër pasivizimit të adresave në Medvegjë

    Ministrja e Punëve të Jashtme dhe Diasporës e Republikës së Kosovës, znj. Meliza Haradinaj-Stublla dhe Ministri për Evropën dhe Punët e Jashtme i Republikës së Shqipërisë, Gent Cakaj, pritën sot në një takim të përbashkët në Prishtinë përfaqësuesit e partive politike shqiptare në Luginën e Preshevës.

    Të dy ministrat mirëpriten arritjen e marrëveshjes për veprim politik të përbashkët të shqiptarëve të Luginës së Preshevës kundër pasivizimit të adresave në Medvegjë, e cila u nënshkrua në prani të tyre në Prishtinë.

    “Jam e lumtur dhe falënderoj shumë përfaqësuesit e shqiptarëve në Luginën e Preshevës për marrëveshjen e arritur e cila garanton se ata do të flasin me një zë dhe do të jenë unik për Medvegjën”, u shpreh Ministrja Haradinaj-Stublla.

    Ajo tha se shembulli i tyre duhet të ndiqet edhe nga Prishtina e Tirana kur janë në pyetje temat dhe interesat nacionale.

    “I falënderoj kolegët nga Lugina, secilin pa dallim për durimin dhe veprimin e mençur drejt unitetit – duke dhëne një shembull të jashtëzakonshëm edhe për ne këtu në Kosovë, por edhe në Shqipëri – që të jemi sa më unik e të flasim njëzëri për temat e interesit strategjik të Kosovës dhe shqiptarëve në përgjithësi, në këtë kohë tepër delikate nëpër të cilën po kalojmë“, u shpreh ministrja Haradinaj-Stublla, duke e ngritur si çështje urgjente shqetësimin e përfaqësuesve nga Lugina e Preshevës në lidhje me mos zbatimin e dy pikave të Marrëveshjes së Uashingtonit, pikës 6 dhe 12., që kanë të bëjnë me njohjen e diplomave dhe certifikatave profesionale ndërmjet Kosovës dhe Serbisë, si dhe zotimit që obligon palët (Kosovën dhe Serbinë) që të angazhohen që të identifikojnë dhe implementojnë zgjidhje të qëndrueshme për personat e zhvendosur brenda vendit.

    “Pra, vazhdon ende avazi i vjetër i mosnjohjes së diplomave të shqiptarëve të Luginës së Preshevës, të cilët kanë diplomuar në Prishtinë. Prandaj, ne do ta ngrisim zërin dhe do të kërkojmë respektimin e pikave të Marrëveshjes së Uashingtonit”.

    Nga ana e tij, Ministri për Evropën dhe Punët e Jashtme i Republikës së Shqipërisë, Gent Cakaj, tha se të dyja shtetet duhet të ndërmarrin një aksion diplomatik për ta sensibilizuar bashkësinë ndërkombëtare për gjendjen në Luginë të Preshevës, ku po tentohet përmes pasivizimit të adresave të shqiptarëve atje.

    “Shprehim shqetësimin e thellë lidhur me procesin e fshirjes së qëllimshme të adresave të shqiptarëve në Medvegjë, Bujanoc dhe Preshevë. Ne do të vazhdojmë të punojmë pakursyer për për rritjen e ndjeshmërisë ndërkombëtare për gjendjen e shqiptarëve në Luginë”, u shpreh Cakaj.

    Big Brother VIP Albania në NimiTV
    Nga Rubrika
    Lajme10 Shtator 2024
    10 shtatori i 2012-tës, është data që shënon edhe përfundimin e mbikëqyrjes së shpalljes së Pavarësisë së Kosovës. Tashmë janë bërë 12...
    Lajme10 Shtator 2024
    Anëtari i Kryesisë së AAK-së, Daut Haradinaj, ka thënë se kryeministri Albin Kurti po “e mbanë gjallë lanin patriotik” për të fituar...
    Lajme10 Shtator 2024
    Drejtoreshë e Arsimit në Komunën e Prishtinës, Jehona Lushaku-Sadriu sonte në emisionin “Rubikon” në Klan Kosova ka folur në lidhje me mësimin...
    Të tjera
    Sport10 Shtator 2024
    Pak minuta ka mbetur deri të fillimi i ndeshjes mes Shqipërisë dhe Gjeorgjisë. Shqipëria dhe Gjeorgjia do të sprovojnë forcat në ‘Air...
    Lajme10 Shtator 2024
    Lideri i PSD’së, Dardan Molliqaj ka komentuar arrestimin e politikanëve serbë, Aleksandar Arsenijeviq dhe Ivan Orloviq, që u arrestuan sot në Veri,...
    Bota/Rajoni10 Shtator 2024
    Ministri për Evropën dhe Punët e Jashtme i Shqipërisë, Igli Hasani ka zhvilluar një bisedë telefonike me homologun e tij ukrainas, Andrii...
    Lajme10 Shtator 2024
    Këtë të martë në Mitrovicë të Veriut është arrestuar politikani serb, Aleksandar Arsenijeviq, pasi i fishkëlleu kryeministrit të vendit, Albin Kurti. Për...
    Bota/Rajoni10 Shtator 2024
    Deputeti i vetëm shqiptar në Kuvendin e Serbisë, Shaip Kamberi, ka reaguar ndaj ndalimit të sërishëm që u bë ndaj Ardita Sinanit,...
    Lajme10 Shtator 2024
    Kyreministri i vendit, Albin Kurti, nuk ka komentuar fare paralajmërimet e presidentit serb, Aleksandar Vuçiq i cili tha se brenda 72 orësh...

    FrontOnline, © 2024 Të gjitha të drejtat e rezervuara.