Drejtoria e Policisë së Malit të Zi informoi Këshillin për Kontrollin Civil të Punës së Policisë se kishte identifikuar një person, i cili kërcënoi presidentin e Lëvizjes Qytetare – URA, Dritan Abazoviq, përmes rrjeteve sociale dhe se puna për rastin është duke vazhduar pasi që personi gjendet jashtë shtetit.
Abazoviq në një fjalim të mbajtur në parlamentin e Malit të Zi, konfirmoj se ka marrë kërcënime nga grupet kriminale, por edhe anëtar të partisë së presidentit malazez, Milo Gjukanoviq, DPS, raporton rtcg.
“Sipas procedurave ligjore, Dritan Abazoviq dhe të gjithë ata që kanë ndonjë informacion se ndihen të rrezikuar kanë mundësinë të informojnë autoritetet shtetërore kompetente”, thuhet në përgjigjen e drejtorit të policisë, Veselin Veljoviqit, transmeton Telegrafi.
Ai gjithashtu deklaroi se u takua më 27 nëntor me përfaqësues të policisë nga Shqipëria dhe Kosova, të cilët thanë se deri më tani nuk ka asnjë njohuri operacionale ose informacion specifik në lidhje me kërcënimin ndaj cilitdo qytetar ose udhëheqës politik malazez. Më 25 nëntor, gazeta “Dan” njoftoi se politikani shqiptar u kërcënua nga një anëtar i grupit kriminal të bosit të drogës, Naser Kelmendi.
Veljovic ishte takuar me Fatmir Bajramin nga Sektori për Luftimin e Krimit të Organizuar të Policisë së Kosovës dhe Tonin Vocajn, Ndihmës Drejtori për Sektorin e Policisë Kriminale të Policisë Shqiptare, në lidhje me bashkëpunimin operacional të tre policëve.
“Gjatë bisedës, unë kërkova informacione nga përfaqësuesit e policisë shqiptare dhe të Kosovës se mos kanë të dhëna operative për kërcënimin e ndonjë shtetasi të Malit të Zi apo udhëheqës politikë nga grupet kriminale shqiptare ose kosovare. Përfaqësuesit e këtyre shërbimeve të sigurisë të Shqipërisë dhe Kosovës kanë konfirmuar se deri më tani nuk kanë asnjë njohuri operacionale ose informacion specifik në lidhje me kërcënimin e ndonjë qytetari ose udhëheqësi politik malazez”, përfundoi Veljoviq.
Ndryshe, Abazoviq në fjalimin e mbajtur në parlamentin malazez ka folur edhe rreth kriminaltitet të instaluar nga qeveria e gjertanishme gjersa ka bërë të ditur se do të jetë zëvendëskryeministër i Malit të Zi.
