Komisioni disiplinor i Ministrisë së Arsimit, Shkencës dhe Teknologjisë (MASHT) i përbërë nga tre anëtar me dt 10.09.2019, ka marrë vendim që të mos i shqiptohet masa disiplinore Drejtorit të Departamentit për Integrime Evropiane, Koordinim të Politikave dhe Çështjeve Ligjore në MASHT, Ferit Idrizit, i cili në muajin qershor e kishte denoncuar ministrin Shyqiri Bytyqi për kërcënim fizik.
Në vendimin e siguruar nga ‘Front Online” thuhet se “Nuk shqiptohet masë disiplinore ndaj Ferit Idrizit-Drejtor i Departamentit për Integrime Evropiane, Koordinim të Politikave dhe Çështjeve Ligjore në MASHT”.
Ky vendim është marre pas një hetimi që ka bërë komisioni disiplinor dhe në bazë të sajë e ka rekomanduar sekretarin e përgjithshëm të MASHT që ta rikthej në vendin e tij të punës z. Ferit Idrizin.
“Komisioni Disiplinor në përbërje të plotë, ka trajtuar lëndën lidhur me rastin, ka analizuar provat e ofruara, ka dëgjuar deklaratat e z. Ferit Idrizit dhe znj. Hanemshahe Latifit e cila ishte e pranishme në takim në zyrën e ministrit ku kishte ndodhur rasti. Nëpunësi Ferit Idrizi në seancën dëgjimore ka deklaruar publikisht se ndihet i pafajshëm dhe nuk e ka ofenduar në asnjë rast Ministrin, përpos që është larguar nga zyra me urdhër të prerë të Ministrit.” Thuhet në vendimin e komisionit.
Ferit Idrizit, Drejtor i Departamentit për Integrime Evropiane, Koordinim të Politikave dhe Çështjeve Ligjore, në muajin qershor e ka denoncuar ministrin Bytyqi për sulm fizik, pas denoncimit qe Idrizi i’a bërë Bytyqit ai u suspenduar për tre muaj nga puna.
Lidhur me këtë Front Online ka kontaktuar Prokurorin Themelore në Prishtinë, në një përgjime me shkrim zyrtarët për media kanë thënë se “Rasti është duke u trajtuar në Departamentin e Përgjithshëm, ndaj të cilit po ndërmerren veprime hetimore deri në zgjedhjen përfundimtare të tij.”
“Front Online” gjatë ditës ka provuar ta marr një përgjigje rreth këtij vendimi të komisionit disiplinor nga zyrtari Fertit Idrizi, por deri në publikimin e këtij lajmi nuk ka kthyer përgjigje.
