Ministri i Shëndetësisë, Armend Zemaj, në seancën e Kuvendit të Kosovës që po vazhdon të mbahet, ka bërë të ditur se nga fillimi i pandemisë janë kryer më shumë se 119 mijë testime për Covid-19 në Kosovë.
Ai ka thënë se vetëm nga 4 qershori e deri më tani, janë kryer më shumë se 194 mijë testime.
“Që nga dita e parë e pandemisë dhe deri më 16 nëntor, në Kosovë janë kryer 119 mijë e 20 testime, deri më 4 qershor, pra për 92 ditë janë kryer 15 mijë e 880 testime, ndërsa nga 4 qershori deri më 16 nëntor 104 mijë e 640 testime”, ka thënë ai.
Zemaj ka deklaruar se kanë kërkuar furnizim edhe me 300 mijë teste për Covid-19.
Gjatë seancës së sotme ai ka kërkuar unitet nga pozita dhe opozita për ta menaxhuar gjendjen me pandeminë, derisa po ashtu është shprehur se si ministër ka punuar për fushën e shëndetësisë.
Përndryshe, opozita ka kritikuar Qeverinë Hoti dhe ministrin Zemaj për keqmenaxhim gjatë kohës së pandemisë.
