Në situatë të rëndë epidemiologjike është edhe Ulqini. Atje numri i të infektuarve ka shkuar në 149 kurse gjashtë persona kanë humb betejën me Covid-19.

Nga autoritetet është kërkuar që të ndërpriten ahengjet dhe tubimet.

I pari i komunës së Ulqinit Loro Nrekiq theksoi se mosrespektimi i masave dhe tubimet masovike, siç janë gëzimet familjare kanë ndikuar dukshëm në rritjen e numrit të të infektuarve dhe në këtë drejtim ka paralajmëruar masa ndëshkuese ndaj atyre që nuk i përmbahen rregullave.
“Prej sot nuk ka më paralajmërime por automatikisht shkojmë me dënime”, tha Nrekiq për RTK’në.

Ndër të tjera masat ekzistuese përfshijnë rregulla më të rrepta për mbajtjen e maskave, distancës, kufizimet në tubimet private dhe mbyllja e lokaleve në orën 22:00.

Në Mal të Zi numri i përgjithshëm i të prekurve me Covid-19 arrin në 3919 të infektuar. Si pasojë e virusit kanë humbur jetën 202 pacientë.