Ministri i Punëve të Jashtme të Greqëisë, Nikos Dendias po qëndron në vizitë në Kosovë, i cili tani më është takuar edhe kryeparlamentaren Vjosa Osmani.

Osmani derisa ka falënderuar Dendias për mbështetjen, ka shtuar edhe se shpreson që kjo mbështetje të konkretizohet me njohje format të shtetit të Kosovës.

Në takim u diskutua për bashkëpunimin bilateral ndërmjet të të dy vendeve, me fokus të posaçëm në sferën e ekonomisë, shëndetësisë dhe arsimit.

Për më tepër, u diskutua edhe për zhvillimet në fushën e dialogut dhe procesin e integrimit evropian, me ç’rast falënderoi Greqinë për mbështetje në procesin e liberalizimit të vizave.

Kryeparlamentarja Osmani theksoi se Kuvendi i Kosovës ka përcaktuar vijat e kuqe në raport me dialogun me Serbinë.

Të dy bashkëbiseduesit folën edhe për situatën me menaxhimin e pandemisë, efekteve të saj si dhe vështirësitë ekonomike.

Më tej, kryetarja e Kuvendit ka shfaqur interesimin për zhvillimin e bashkëpunimit ndërparlamentar dhe në këtë kontekst e ka njoftuar ministrin grek për konstituimin e Grupit të miqësisë me Greqinë.