Policia e Kosovës ka konfirmuar për Front Online se në veturën e personit të dyshuar afër Agjencisë së Kosovës për Inteligjencë (AKI) është gjetur një granatë dore, raporton Front Online.

E njëjta veturë pas hetimit është konfiskuar nga Policia.

Në ndërkohë për këtë rast është arrestuar edhe një person.

“Rreth orës 08:40 min, të gjitha njësitet relevante policore kanë përfunduar vendshiqimin e vendit të ngjarjes dhe rruga është liruar për qarkullim. Gjatë ekzaminimit të vendit të ngjarjes, në veturën e personit të dyshuar mashkull kosovar (E. B. 1993), është gjetur dhe konfiskuar një granat dore. Po ashtu vetura e dyshuar është konfiskuar nga Policia”, ka konfirmuar Baki Kelani për Front Online.

Policia thekson se të gjitha veprimet e mëtejme do të ndërmerren në bashkëpunim dhe koordinim me prokurorin kompetent.

Pas përfundimit të aksionit të Policisë, rruga është liruar për qarkullim.

Ndryshe, sot rreth orës 06:15, Policia e Kosovës ka pranuar një informacion se në rrugën Prishtinë drejtimi i Fushë Kosovës, gjendet një person i dyshuar me një veturë. /Front Online