Pas lajmeve të mbrëmshme se kryetari i AAK-së, Ramush Haradinaj e ka sulmuar gruan e tij, Anita Haradinaj, kjo e fundit ka reaguar duke e mohuar se ka ndodhur një gjë e tillë.

Përmes një postimi në Facebook, Anita Haradinaj tha se është shqetësuese lajmi i mbrëmshëm pasi është nënë, motër e bijë e dikujt dhe sipas saj është e turpshme të prodhohen lajme kaq të ulta.

“Kam 20 vjet që punoj dhe jam pjesë e medias në Kosovë dhe sot shpreh keqardhje për nivelin e mediave dhe tendencës për të prodhuar lajme banale, tituj banal e thashetheme për dy klikime me shumë a më pak, kam qenë shumë herë pjesë e lajmeve të tilla dhe e kam kuptuar që injorimi do te ishte formë e drejtë e përgjigjes së thashethemeve por kjo e mbrëmshmja ishte e pamundshme te injorohet sepse unë jam nënë, motër, mike, shoqe e dikujt dhe normalisht ka shqetësuar dikë diku! Prandaj është e turpshme të prodhohen lajme kaq të ulta! Unë jam shume mirë dhe kam 17 vjet që jam shumë mirë me Ramushin”, ka shkruar Anita Haradinaj në Facebook.