Një plagosje me armë zjarri ka ndodhur në Podujevë, kur personi i plagosur është dërguar për tretman mjekësorë.

Këtë e ka bërë të ditur për Front Online, Flora Ahmeti zëdhënëse e Policisë për rajonin e Prishtinës.

“Sot rreth  orës 18:30, policia  ka marrë një  informatë për një plagosje me arme zjarri në rrugën”19 qershori” në Podujevë. Menjëherë  në vendin e ngjarjes kanë dalë të gjitha njësitet  e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare në këtë vend është plagosur 1 person. I njëjti është dërguar për trajtim mjekësor”, ka thënë ajo.

Sipas saj Policia është duke zhvilluar hetim për të identifikuar personin i cili ka gjuajtur me armë.

“Aktualisht hetuesit policor kanë nisur një hetim për identifikimin e personit të dyshuar si dhe sqarimin e të gjitha rrethanave që lidhen me rastin”, ka bërë të ditur për Front Online Ahmeti.