Anëtari i kryesisë të PDK-së, Bedri Hamza në “Prime Time”, ka deklaruar se presin që për të hyrë në Qeveri duhet të diskutohet për çështjen e presidentit.

“Nuk jemi tu e prit dikon te dera për me na thirr, pa u qartësua pozicionet nuk hymë, nëse nuk diskutohet për çështjen e presidentit pse të hymë në qeveri?”, ka thënë ai.

Por pavarësisht ofertës së mundshme të LDK-së, Hamza është shprehur se duhet të kenë pajtim më të gjerë, jo vetëm me LDK-në pasi u duhen 80 vota, për të zgjidhur presidentin.

“Nuk mundemi me zgjedh PDK dhe LDK presidentin, duhet me qen 80 deputet në sallë, do të kemi një program të qartë kohëzgjatjen e mandateve”, ka thënë ai.

Shefi i grupit të PDK-së, Bedri Hamza, u shpreh më tutje se janë duke punuar në teren në mënyrë që të jenë të gatshëm për shkuarjen në zgjedhje.

“PDK është parti e madhe, me struktura të konsoliduar,  urojmë të mos ndodh sepse nuk është njet si me liderin si pa liderin.

Jemi duke punuar aktivisht që edhe ky është në opsion”, ka thënë Hamza.