Arkeologët zbuluan prova të një masakre në fshatin e epokës së hekurit, La Hoya, në Spanjën veriore.
Arkeologët kanë zbuluar prova të një masakre të epokës së hekurit, të ngrirë në kohë për mijëra vjet deri në gërmim.
Zbuluar në vitin 1935 dhe gërmuar për herë të parë në 1973, qyteti antik i La Hoya në Veriun e Spanjës në Vendin Bask u shkatërrua në një sulm të dhunshëm mes viteve 350 dhe 200 para Krishtit.
Qyteti nuk u okupua kurrë, dhe ata që vdiqën në sulm mbetën aty ku kishin rënë derisa qyteti u gërmua.
Duke shpresuar të mësojnë më shumë rreth sulmit, studiuesit nga Universiteti i Oksfordit dhe një ekip arkeologësh nga Mbretëria e Bashkuar dhe Spanja studiuan 13 skelete tashmë të gjetura nga vendi, në analizën e parë të detajuar të mbetjeve njerëzore.
Burra, gra dhe fëmijë ishin midis të vdekurve. “Një mashkull pësoi dëmtime të shumta ballore, duke sugjeruar se ai ishte përballur me sulmuesin e tij,” tha Teresa Fernández-Crespo, autori kryesor i hulumtimit, duke shtuar: “Ky individ u pre në kokë, por kafka nuk u rikuperua, dhe mund të ishte marrë si një trofe “.
Një burrë tjetër u godit me thikë nga prapa, ndërsa një burri dhe një gruaje iu janë prerë krahët.
Hulumtuesit kan thënë që nuk egziston asnjë gjurmë që mundë të deklaroj për kthimin e njerzve për ti marrë kufomat dhe për ti mbledhur plaçkat e tyre.
Analiza e disa skeleteve tregon se ata ishin lënë në ndërtesa të djegura, ndërsa disa kishin mbetur aty ku kishin rënë në rrugë.
“Nga kjo mund të konkludojmë se qëllimi i sulmuesve ishte shkatërrimi total i La Hoya”, thanë studiuesit në një deklaratë, duke shtuar se sulmi mund të ketë qenë i motivuar nga vendndodhja e La Hoya, e cila ishte vendosur strategjikisht midis Kantabrit rajoni në bregdetin Atlantik të Spanjës, Mesdheut dhe pllajës së brendshme të Spanjës.
Ekspertët besojnë se vendbanimi ishte një qendër e aktiviteteve shoqërore, tregtare dhe politike.
Studiuesit thanë se La Hoya është e vetmja zonë Iberike e Epokës së Hekurit shkatërrimi i së cilës mund të ishte shkaktuar nga komunitetet lokale.
Zbulimet tregojnë se luftëra të mëdha po ndodhnin në spanjë gjat epokës së gurit, shkruan CNN, transmeton Front Online.
