Të mërkurën në Mitrovicë furrat e bukës nuk u frekuentuan vetëm nga konsumatorët.

Në to u panë edhe inspektorët komunalë të cilët dolën për të parë nëse gjithçka është në rregull me higjienën dhe kriteret e tjera ligjore të përcaktuara nga Ministria e Tregtisë dhe Industrisë.

E nga aksioni që zhvilluan, drejtori i Inspekcionit, Fidan Ademi, tha për Front Online se u befasuan për të mirë.

“Realisht janë kanë në gjendje të mire – sanitare. Kemi dhënë edhe tri vërejtje – si p.sh për gëlqerosje. Por, ato, nuk ndikojnë në cilësi. Edhe gramin e bukes e kemi shikuar. Ka qenë në rregull me kriteret e vendosura nga MTI”, u shpreh ai për Front Online.

Ademi paralajmëroi edhe aksione tjera të drejtorisë që udhëheq ditëve në vijim.