“Kompania Bello” të cilin Europol e përshkruan si një ndër rrjetet më aktive të trafikut të kokainës në Evropë. Një operacion policor ndërkombëtar çoi në arrestimin e grupit, shkruan Euronews.

Operacioni i koduar “Los Blancos”, kryer më 15 shtator dhe njoftuar ditën e sotme, përfshiu bashkëpunimin e policisë së 10 shteteve dhe solli arrestimin e të paktën 20 personave, mes së cilëve pesë shqiptarë:

Denis Matoshi, njohur ndryshe si Elti Dizdari, 30 vjeç, arrestuar në Dubai;

Lek Çolaj, 40 vjeç, arrestuar në Rumani;

Sokol Aliko, njohur ndryshe si Sokol Memetaj; 36 vjeç; arrestuar në Spanjë;

Robert Varga, 44 vjeç, arrestuar në Hungari;

Arrestimi i Matoshit I cili në atë kohë mendohej si person kyç për hetimin, është bërë për llogari të Interpol Tirana, pasi është një emër i njohur për policinë shqiptare. Ai është hetuar lidhur me ngjarjen e ndodhur më 4 tetor të vitit 2018 në zonën e ish-Bllokut në Tiranë ku mbeti i vrarë Fabian Gaxha dhe u plagosën Ervis Martinaj dhe Eljo Hato.

Pesëmbëdhjetë personat e tjerë të operacionit “Los Blancos” u arrestuan në Itali, Holandë, Gjermani dhe Greqi.

Policia shqiptare dha më shumë detaje në mesditë duke treguar se përveç 5 të arrestuarve, i qe komunikuar masa e sigurisë “arrest me burg” edhe Altin Velsulës, njohur ndryshe edhe si Altin Hoxha (36 vjeç) i cili aktualisht ndodhet në burg në Norvegji.

Të arrestuarit akuzohen për trafik ndërkombëtar droge, përfshirje në grupe të strukturuara kriminale dhe dhunë.

Operacioni i Europol lidhet me arrestimin e bërë kohë më parë të 84 anëtarëve të tjerë të këtij grupi kriminal në Itali, Ekuador, Holandë, Mbretëri e Bashkuar, Zvicër dhe Gjermani.

Hetimet patën nisur që në vitin 2015 dhe gjatë kësaj periudhe janë mbi 5 milionë e gjysmë euro dhe pothuajse 4 tonë kokainë që janë kapur dhe sekuestruar