Shpërthime bombash, gur dhe pishtar ndriçues. Përleshjet nëpër rrugët e kryeqytetit serb kanë kthyer pas shumë vitesh dhunën që dikur ka qenë e shpesht këtu.
Për netë të tëra demonstruesit kanë tentuar të futen në ndërtesën e Parlamentit të Serbisë. Kjo ka bërë që samiti i Parisit dhe bisedimet e mundshme të Brukselit të ngelin nën hijen e përleshjeve. Presidenti serb, Alleskandar Vucic, një ditë para se të nisej për në Paris, në një adresim për mediat theksoi se protestat janë me ndikim nga disa shërbime të rajonit.
Qëllimi, sipas Aleksandar Vucic, president i Serbisë, ka qenë vetëm një qëllim: ti bëhet dëme Republikës së Serbisë dhe njëkohësisht të rëndoj edhe më shumë udhëtimin e delegacionit të Serbisë në Paris dhe Bruksel që të mos jemi të fuqishëm aq sa do të ishim në këto biseda dhe negociata.
Sipas tij, autoritet po hetojnë situatën dhe thonë se dhuna nuk do të tolerohet. Në katër ditë janë arrestuar qindra njerëz dhe lëndime kanë pësuar mbi 130 policë.
Vlladimir Rebic, Drejtor i Policisë së Serbisë, thotw se dhunë nuk është ushtruar ndaj demonstruesve të qetë që kanë qëndruar dhe kanë qenë të ulur, por ndaj personave që në periudhën e kaluar kanë sulmuar shërbyesit policorë dhe objektet që policia i mbronë.
Ai ka shtuar se ky është një aktivitet që është i panshamangshëm që të parandalohet. Nuk mund t’i thoni këtyre njerëzve largohu dhe ata të largohen. “Ne u kemi thënë kështu në të shkuarën. Dhe, kur ata nuk kanë dëgjuar kanë pasuar masat. Khtimi në gjendjen e mëparshme nuk duket i lehtë”.
Dushan Janjic, drejtues i Forumit për Marrëdhënie Ndëretnike, thotë se kjo situatë nuk është naïve dhe pret që incidentet në rrugë të vazhdojnë. “Është e qartë që ka parti ruse dhe pro ruse dhe organizata që janë pjesë e protestave. Por këtu është edhe një numër I madh qytetarësh që kërkojnë një vend pasi në publik nuk ka hapësirë për tu shprehur. Opinionit, pra të rinjëve u kanë ngelur rrjetet sociale dhe rruga. Të moshuarëve vetëm rruga që tani mbyllet me dhunë dhe parlamenti, i cili ka legjitimitet, por jo legjitimitet pasi nuk do të jetë vend për dialog sepse është faktikisht një partiak”.
Protestat që nisën për shkak të një paralajmërimi për vendosjen e orës policore pas shtimit të numrit të pacientëve të infektuarve më COVID-19, solli një situatë të re ende pa u formuar qeveria që u zgjodh me 21 qershor. Disa thonë se dhuna e e përdorur nga policia e kthen Serbinë në kohët ë vjetra. Por, një gjë është e sigurt – kjo ka ndryshuar pritshmëritë e shumicës- se presidenti Vucic është i paprekshëm.
Serbia ka patur protesta kundër pushtetit edhe dy vitet e fundit. Por, tani liderët e opozitës nuk janë të mirëpritur. Disa prej tyre janë dëbuar nga sheshi në mënyrë të dhunshme. Protestat kanë qenë vetëm një ditë të qeta dhe duket se në to dalin persona me orientime të ndryshme politike.
https://www.facebook.com/dw.shqip/videos/1704704686358820/?t=2
