Ministri i Jashtëm Nikolla Dimitrov tha se pavarësisht se në cilën pozitë do të ndodhet pas zgjedhjeve, personalisht do të angazhohet dhe do të jetë zëri i qytetarëve në luftën kundër krimit dhe korrupsionit.

Ai kërkoi votën e qytetarëve pasi siç tha nuk do të ketë shans të dytë.

“Në resorin tim e lash shpirtin. Atë mal të lartë e kaluam, arritëm qëllime prej dekadave, hymë në NATO dhe jemi afër nisjes së bisedimeve me BE-në.

Sot dua të ju premtoj personalisht, që të njëjtën energji që e kam investuar për malin e parë të lartë, do të angazhohem që në këtë shtet të ketë drejtësi. Të gjithë e kemi të qartë se cila është beteja e radhës, ajo është beteja kundër korrupsionit, krimit dhe nëntokës- deklaroi Nikolla Dimitrov.