×
  • Lifestyle
  • Lifestyle

    A është e dëmshme të përtypësh akull?

    FrontOnline
    03 Korrik 2020

    Disa njerëz e pinë kafenë e tyre në mëngjes të ftohtë, disa të tjerë preferojnë një pije me akull…Ne nuk e dimë në cilën kategori futeni ju, ama jemi të sigurt se pa një filxhan të madh kafeje me akull disa nuk mund të nisin ditën

    Pavarësisht faktit nëse ju vetë jeni një përtypës i rregullt i akullit, ka të ngjarë që të jeni dëshmitar të dikujt që ha kube akulli gjatë gjithë ditës. Sidomos, tani në verë!

    Ky mund të jetë një zakon i mbetur nga fëmijëria, por edhe një shenjë stresi, sido që të jetë, ju do ta merrni tani përgjigjen nëse është normale të hash akull apo jo?!

    Në përgjithësi, konsumi i akullit është gjë e mirë dhe mund të jetë hidratues kur shkrihet, por akti i përtypjes së copëzave të ngrira mund të shkaktojë dëme në dhëmbë dhe mishrat e dhëmbëve.

    Ne u këshilluam me dentistin Kevin Sands dhe Stéphanie dhe Richard Palacci, themeluesit e markës së kujdesit oral Lebon, për të mësuar më shumë rreth asaj se si mund të ndikojë kjo në shëndetin tuaj.

    Çfarë zbuluam? Në të vërtetë mund të ketë një arsye themelore pse e bëni atë. Vazhdoni të lexoni për të zbuluar se çfarë duhet të dini përpara se të hani sërish kube akulli.

    Shkaqet dhe efektet e akullit të përtypur

    Pagofagia, ose dëshira për të përtypur akull, është një fenomen relativisht i zakonshëm, por jo i shpeshtë!

    “Përtypja dhe shtypja e akullit është me të vërtetë diçka negative për dhëmbët tuaj. Mund të dëmtojë smaltin me kalimin e kohës apo edhe të thyejë ndonjë dhëmb. Dhe jo për të qenë bartësi i lajmeve të këqija, por një dhëmb i plasaritur mund të dojë një këllëf, një mbushje, apo edhe një kanal rrënjësor që të fiksohet. Dhe të paktën, një smalt i dëmtuar mund të rrisë ndjeshmërinë tuaj ndaj temperaturës së ftohtë të akullit. Me fjalë të tjera, përtypja e kubeve të ngrira mund të mos jetë më diçka qetësuese”, thotë Sands.

    Ajo që mund të jetë një shqetësim më i madh është se malli potencialisht mund të tregojë faktorë më të mëdhenj se pagofagia. Për shembull, kjo ngrënie e zakonshme e akullit mund të jetë një shenjë stresi, sipas Klinikës Mayo. Dhe sipas disa studimeve, mungesa e hekurit mund të kontribuojë në dëshirën për të përtypur akull.

    Në fakt, sipas një studimi tjetër, nëse keni anemi me mungesë hekuri, mund të zbuloni se akti i përtypjes së akullit ndihmon për të rritur përqendrimin tuaj, çka mund të jetë arsyeja pse ju mund të ndiheni sikur nuk mund të funksiononi ose të përqendroheni pa një filxhan akulli, shkruan Class.

    E gjithë kjo bëhet për të treguar që ka një larmi faktorësh që mund të kontribuojnë në dëshirën për të ngrënë akull. Pra, ndërsa akti i konsumimit të akullit nuk është i dëmshëm në vetvete, konsultohuni me mjekun tuaj për të parë nëse duhet të merrni hekur ose të mësoni më shumë rreth asaj që mund t’ju çojë në gjetjen e burimit të pagofagisë tuaj. /Telegrafi/

    Nga Rubrika
    Lifestyle17 Korrik 2025
    Dashi Dashuria: Dita e sotme ju sheh më të fortë sesa ditët e fundit. Është e rëndësishme tani të kuptoni se cilin...
    Lifestyle16 Korrik 2025
    Shenja e parë me fat, sipas horoskopit të Paolo Fox për nesër, është Luani: jeni nën presion, por dini si ta shndërroni...
    Lifestyle15 Korrik 2025
    Askujt nuk i pëlqen të dëgjojë se ka kolesterol të lartë, por lajmi i mirë është se ky problem mund të lehtësohet...
    Të tjera
    Lajme17 Korrik 2025
    Pas zyrtarizimit të kandidaturës për kryetar të Prishtinës, Uran Ismaili ka zbuluar edhe sloganin që do të shënojë rrugëtimin e tij në...
    Lajme17 Korrik 2025
    Merita Simnica, Burim Gërguri dhe Ibrahim Krasniqi përgjatë së mërkurës kanë dalë para gjykatores që të mbrohen në heshtje. Përmes korrupsionit, tre...
    Lajme17 Korrik 2025
    Presidentja e Kosovës, Vjosa Osmani, në një konferencë për media, është pyetur edhe një herë për deklaratat e Grenellit. “E kam pa...
    Sport17 Korrik 2025
    Trajneri i ri i Polonisë, Jan Urban, ka deklaruar se prioriteti i tij i menjëhershëm është bindja e sulmuesit Robert Lewandowski për...
    Lajme17 Korrik 2025
    Presidentja e vendit, Vjosa Osmani ka folur edhe niherë për mos konstituimin e Kuvendit të Kosovës. Ajo në një konferencë për media...
    Lajme17 Korrik 2025
    Presidentja Vjosa Osmani ka thënë se në fund të muajit maj kanë marrë informacione “specifike” nga strukturat e sigurisë të Kosovës lidhur...
    -->

    FrontOnline, © 2025 Të gjitha të drejtat e rezervuara.