Instituti Demokratik i Kosovës i ka reaguar deputetit të Nismas, Haxhi Shala, pas deklaratës së tij që ka ndërruar qëndrim për votimin e qeverisë “Hoti”, pas një takimi që kishte me liderin e AAK-së, Ramush Haradinaj dhe me presidentin e vendit Hashim Thaçi, raporton Front Online

Reagimi i plotë:

KDI shpreh shqetësim lidhur me deklaratën publike të deputetit Haxhi Shala në seancën e sotme për ndryshimin e qëndrimit të tij për votimin e Qeverisë ‘Hoti’.

Deputeti Shala deklaroi që “pas vizitës së mbrëmshme në familjen time të Presidentit dhe ish- kryeministrit Haradinaj kam ndërruar mendje dhe vota ime do të jetë pro për këta dy persona dhe pro Qeverisë Hoti”.

Rikujtojmë që Kushtetuta e Kosovës (neni 70, pika 1) lidhur me mandatin e deputetëve thotë që “deputetët e Kuvendit janë përfaqësues të popullit dhe nuk i nënshtrohen asnjë mandati detyrues”.