Gjykata Kushtetuese ditë më parë, ia dha dritën e gjelbër koalicionit LDK-AAK-Nisma-Lista Serbe, për formimin e Qeverisë së Kosovës, raporton Front Online.

Në lidhje me atë se a do të jetë pjesë e kësaj Qeveria edhe partia e Behgjet Pacollit, AKR-ja, për Front Online, ka folur nënkryetari i kësaj partie, Fatmir Matoshi.

Ai tha se AKR-ja do ta votojë Qeverinë në krye me Avdullah Hotin e LDK-së, por disponimi i kësaj partie nuk është që të bëhet pjesë e Qeverisë.

“AKR-ja do ta votojë Qeverinë ‘Hoti’, por aktualisht disponimi është me mbetë në opozitë, tash nuk e dina kur ka me u thirr seanca dhe çfarë do të ndryshojnë deri atëherë. Por, ajo që dihet është se AKR-ja do t’ia jep votat  për themelimin e kësaj Qeverie, për momentin ka disponim  që  mos me u bë pjesë e qeverisë”, tha Matoshi për Front Online.