Mbi 1 milion euro investime në infrastrukturë për Komunën e Lipjanit.
Kjo u bë e ditur nga kryetari i kësaj komune, Imri Ahmeti i cili tha se sot gjatë ditës me ministrin e Infrastrukturës dhe Ambientit, z. Lumir Abdixhiku, kanë nënshkruar memorandum për financimin e projekteve në Komunën e Lipjanit.
Njoftimi i plotë:
Mbi 1 milion euro investime në infrastrukturë për Komunën e Lipjanit
Sot gjatë ditës bashkë me ministrin e Infrastrukturës dhe Ambientit, z. Lumir Abdixhiku, kemi nënshkruar memorandum për financimin e projekteve në Komunën e Lipjanit.
1. Rruga “Lumit” dhe rruga e vjetër e “Shkupit” në Gadime të Ulët në vlerë prej 400.000 euro,
2. Rruga Sllovi -Akllap vlerë prej 360.000 euro,
3. Rruga Lluga- Radev në vlerë 400.000 euro,
4. Rruga tranzit “Lagja Akllapit” që lidhet me rrugën rajonale Lipjan- Janjevë 560.000 euro.
Projekte shumë të rëndësishme për komunën tonë që priten që gjatë këtij viti të kontraktohen dhe te fillojnë punimet.
