Italia do të fillojë rihapjen e të gjitha aeroporteve të saj duke filluar nga 3 qershori, njoftoi Ministri i Transportit Paola de Micheli të Mërkurën gjatë një seance parlamentare, raporton Reuters, transmeton lajmi.net.
“Do të jetë e mundur të vazhdohet për rihapjen e të gjitha aeroporteve duke filluar nga 3 qershori, kur përsëri lejohen transferimet”, tha ministri.
De Micheli shtoi se kufizimet aktuale ndërregjionale dhe ndërkombëtare do të përfundojnë gjithashtu për transportin publik brenda vendit, transmeton lajmi.net.
Fluturimet u pezulluan në të gjitha aeroportet kryesore italiane më 14 mars, përveç fluturimeve thelbësore.
Aeroportet e Romës Ciampino dhe Firence u lejuan të rihapen më 4 maj, por qendra e Milanos mbeti e mbyllur për shkak të mungesës së trafikut ajror, tha ministri.
