Një tërmet i fuqishëm ka goditur Indonezinë Lindore të mërkurën në mbrëmje. Nuk pati raporte të menjëhershme për dëme ose lëndime.
Tërmeti me një madhësi prej 6.9 goditi në detin Banda, bëri me dije Qendra Sizmologjike Evropiane Mesdhetare (EMSC), shkruajnë mediet e huaja.
Banorët ishin zgjuar nga dridhja e shtretërve që ua shkaktoi termeti, të cilët më pas u detyruan të dalin jashta objekteve banuese.
“Njerëzit ishin në gjumë, bërtisnin. Ata vraponin për shkak të tërmetit. Na u dridhën edhe shtretërit”, tha Oce Karmomyana, banor i ishullit të Indonezisë, i cili tha se nuk kishte pasur dëme.
Indonezia, e banuar nga 260 milionë njerëz, goditet shpesh nga tërmetet, shpërthimet vullkanike dhe tsunamit për shkak të vendndodhjes së saj në ‘Unazën e Zjarrit’ – harku i vullkaneve dhe linjave të lëkundjeve seizmike në pellgun e Paqësorit.
