Aplikacioni përdor lidhjen Bluetooth ndërmjet dy pajisjeve për të aksesuar riskun e infektimit me Covid-19.
Në luftën kundër koronavirusit, ushtarët zviceranë po përdorin smartfonët për të testuar një aplikacion të ri për gjurmimin e kontakteve, që mund të shmangë infektimin ndërkohë që mbron privatësinë e përdoruesve.
Zvicra shpreson të lançojë aplikacionin më 11 Maj, të bazuar mbi një standard të zhvilluar nga kërkuesit në Lausanne dhe Zurich. Aplikacioni përdor lidhjen Bluetooth ndërmjet dy pajisjeve për të aksesuar riskun e infektimit me Covid-19.
Qindra ushtarë nga baza ushtarake Chamblon afër Lausanne, u ofruan vullnetarisht të shkarkonin aplikacionin dhe më pas të vazhdojnë rutinën e tyre për 24 orët në vazhdim.
Nëse ato kalonin 15 minuta në largësi 2 metër afër njëri-tjetrit, informacioni regjistrohet në pajisjet e tyre dhe ato duhet të shkëmbejnë një kartë të dhënë nga kërkuesit që të dhënat të verifikohen.
Aplikacionet e bëjnë këtë në mënyrë të koduar, dhe regjistrimet qëndrojnë në telefon, u shpreh Marcel Salathe, drejtor i laboratorit dixhital të epidemiologjisë në Institutin Federal Zviceran të Teknologjisë në Lausanne.
Nëse një person testohet pozitivisht, ato mund të ngarkojnë ID e tyre në sistem, dhe më pas të gjithë aplikacionet e tjera mund të kontrollojnë nëse kanë qenë afër atij personi, dhe më pas autoritetet shëndetësore ndërhyjnë në këtë mes, u shpreh Salathe.
Shpejtësia është vitale. Covid-19 mund të përhapet nga njerëzit pa pasur simptoma, duke e bërë të rëndësishme reagimin e shpejtë kur personat e testuar rezultojnë pozitivë, dhe të paralajmërohen ata që kanë kontaktuar.
