Gjatë 24 orëve të kaluara, nga koronavirusi në Spanjë kanë vdekur 325 persona. Shifra e re është më e lartë se ditën e kaluar, kur u shënuan 301 viktima.
Sidoqoftë, kjo është dita e gjashtë me radhë që Spanja shënon më pak se 400 viktima për 24 orë. Numri i përgjithshëm i të vdekurve nga koronavirusi në këtë shtet ka shkuar në 24,275.
Vetëm për një ditë, në Spanjë u shëruan 6,399 pacientë dhe kjo ishte shifër rekord që nga fillimi i pandemisë. Deri më tani janë shëruar gjithsej 108,947 persona të infektuar.
Sipas të dhënave më të reja, numri i përgjithshëm i të infektuarve ka shkuar në 212,917, shifra e dytë më e lartë në botë, pas Shteteve të Bashkuara.
Në anën tjetër, Spanja është e treta në botë për numrin më të madh të viktimave të virusit, pas Shteteve të Bashkuara dhe Italisë, shkruan “The Guardian”.
