Grupi kriminal furnizohej nga shqiptarë të tjerë të cilët banonin në qytetin e Romës dhe komunat Tivoli e Cerano.
Gjashtë prej tyre ndodhen në arrest me burg dhe akuzohen për trafikim të lëndëve narkotike dhe për bashkëpunim në aktivitetet kriminale.
Për të zbuluar rrjetin mësohet se policia e ka patur të vështirë pasi këta persona përdornin një gjuhë të koduar për të komunikuar mes tyre.
Çdo dozë kokainë 0.5 gramë identifikohej me emrin karamele, një gramë kokainë njihej me emrin gisht, pesë gishta ishin të barabarta me pesë gramë kokainë, një gur nënkuptonte 10 gramë kokainë, njofton Top Channel përcjell Klan Kosova.
Para se të përgatitej për t’u shpërndarë droga fshihej në vende të caktuara si nën tokë apo në muret e varrezave në qytetin e Akuilas.
Sakaq mediat italiane raportojnë se ky grup kriminal shpeshherë përdornin rrjetin social ‘WhatsApp’ ku bënin pjesë një rrjet i gjerë korrierësh.
Si prove materiale janë sekuestruar 2.5 kilogramë kokainë dhe dy kilogramë hashash, ndërsa një dozë 0.5 gramë shitej për 50 euro.
Ky grup kriminal kishte një rrjet të gjerë korrierësh në territor të cilët merrnin porositë shpesh përmes telefonit e sistemit.
