Zërat për një koalicion të mundshëm mes VV-së e LDK-së janë shtuar shumë kohëve të fundit.

Pas zgjedhjes së Isa Mustafës në krye të LDK-së edhe për një mandat, kanë ardhur reagime edhe nga deputetë të VV-së.

Deputetja e VV-së, Arbërie Nagavci ka thënë se bashkëpuinimin VV-LDK, do të jap mundësinë e një qeverisje ndryshe.

Sipas saj, kjo formë e bashkëpunimit do të ishte e paparë deri më tani.

Por, sipas saj kryeministër duhet të jetë kreu i Vetëvendosjes, Albin Kurti.

Postimi i plotë i Nagavcit: 

Qytetarët e Kosovës e duan ndryshimin, e kërkojnë atë, e përjetojnë emocionalisht e dëshpërohen kur mudësitë nuk shfrytëzohen.

Bashkëpunimi i Lëvizjes me LDK jep mundësinë e nisjes së një rrugëtimi të ri për një qeverisje ndryshe, për një model të paparë deri tani, angazhimi për një të ardhme çfare e dëshirojmë, për përmirësim të gjendjes.

Por ndryshimi duhet të jetë i vërtetë, substancial e tërsor.
E ndryshimin i kërkuar kaq shumë vjen vetëm me një qeverisje parimore, të guximshme e profesioniste.
Me një Kryeministër të ditur e të pashantazhueshëm, me Albin Kurtin. /FrontOnline