Mërgim Berishën ka shkaktuar një problem te Hoffenheim dhe klubi e ka dënuar për këtë gjë, duke mos e ftuar në skuadër për tri ndeshje.
Por si ndodhi kjo. Trajneri Pellegrino Matarazzo e kishte nxjerrë nga ndeshja me Werder Bremen vetëm pas 27 minutash, pasi Stanley Nsoki u përjashtua me karton të kuq.
Sipas Kicker.de, kjo nuk ishte befasi për 26-vjeçari, i cili e dinte se nuk do të përfshihej në ekip, pasi kishte javë që pas pezullimit, nuk kishte ushtruar me lojtarët e ekipit tjerë të Hoffenheimit, ku u bashkua vetëm pasi u sqarua incidenti.
“Ai është në rrugën e kthimit. Tani do të vëzhgohen sjelljet e tij nga stërvitja në stërvitje, nga java në javë. Por çështja është sqaruar”, ka thënë drejtori i ri sportiv i Hoffenheimit, Andreas Schicker.
Berisha është paraqitur në pesë ndeshjet e para në Bundesligë, ndërsa kishte një gol dhe një asistim.
“Ai është lojtar kualitativ të cilin duam ta shohim sërish në fushë”, nënvizoi drejtori sportiv Schicker.
Mbetet të shihet nëse do të jetë i gatshëm për ndeshjen e së enjtes në Ligën e Evropës ndaj Portos, apo të dielën ndaj Heidenheim në Bundesligë. /Telegrafi/
