Sekretari amerikan i Shtetit, Antony Blinken, ka kujtuar ambasadoren e parë të SHBA-së në Kosovë, Tina Kaidanow.
Ai ka shpërndarë postimin e ambasadorit Hovenier në platformën X, me ç’rast ka shkruar se Kaidanow ka qenë një “diplomate e jashtëzakonshme” dhe se ka udhëhequr disa nga çështjet “më sfiduese” gjatë punës së saj.
“Ambasadorja Tina Kaidanow ishte një diplomate e jashtëzakonshme që udhëhoqi në disa nga çështjet më sfiduese të politikës së jashtme të kohës së saj. Ajo ishte një kolege dhe mike e jashtëzakonshme – thellësisht e zgjuar, me sens humori, këmbëngulëse dhe e përkushtuar ndaj diplomacisë amerikane. Qoftë i bekuar kujtimi për të”, ka shkruar Blinken./Sinjali/
