Ministri i Bujqësisë, Pylltarisë dhe Zhvillimit Rural, Faton Peci, tha se sipërfaqja e punuar e tokës është rritur në 121 mijë hektarë, si dhe janë rritur edhe eksportet e prodhimeve organike.
Ai në konferencën për Bujqësinë e Qëndrueshme, ka theksuar se po punojnë për një model që është i fokusuar në ruajtjen e mjedisit dhe rritjen e konkurrencës.
Ministri i Bujqësisë ka shtuar se vend të rëndësishëm në strategji, ka edhe promovimi i fermerëve dhe bizneseve, andaj janë rritur edhe investimet në marketing, raporton EO, transmeton Klankosova.tv.
“Bujqësia e qëndrueshme ka një rol kyç në strategjinë tonë. Sektori bujqësor ka pësuar ndryshim thelbësor në këto tri vitet e fundit, përmes një menaxhimi më të morë dhe rritjes së investimeve. Aktiviteti bujqësor është rritur për 29%. Ne kemi arritur që në mandatin tonë të aprovojmë dhe sponsorizojmë 28 ligje. Kemi draftuar strategjinë për bujqësinë, që synon rritjen e konkurrencës në sektorin agro-ushqimor. Jemi të vetëdijshëm që qëndrueshmëria kërkon punë”.
Ai ka thënë se Ministria që drejton po punon qe të promovojë edhe bizneset dhe fermerët, ku investime të mëdha po bëhen në marketing.
